ទិន្នន័យនៃការវិនិយោគពីឆ្នាំ២០២៤ ដល់ឆ្នាំ២០២៥ បានបង្ហាញយ៉ាងច្បាស់ពីនិន្នាការនៃការផ្លាស់ប្តូរទិសដៅវិនិយោគមកកាន់តំបន់អាស៊ានរបស់យើង

ខណៈពេលដែលរំហូរវិនិយោគផ្ទាល់ពីបរទេស (FDI) នៅទូទាំងពិភពលោកបានធ្លាក់ចុះប្រហែល ១១% រំហូរវិនិយោគចូលមកតំបន់អាស៊ានវិញបានកើនឡើង ៨,៥% ដល់ប្រមាណ ២២៦ ពាន់លានដុល្លារអាមេរិក។ អាស៊ានកំពុងរីកចម្រើនក្លាយជាមជ្ឈមណ្ឌលសំខាន់សម្រាប់ឧស្សាហកម្មសឺមីកុងឌុចទ័រ (Semiconductors), វិស្វកម្មយានយន្ត (Automotive Engineering) និងសេវាកម្មឌីជីថល ដែលបង្ហាញពីសក្តានុពលខ្ពស់ និងទំនុកចិត្តរបស់វិនិយោគិនអន្តរជាតិចំពោះតំបន់នេះ។

សម្តេចធិបតី ហ៊ុន ម៉ាណែត ថ្លែងបើកកិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ២០២៦ ក្រោមមូលបទ “ការផ្លាស់ប្តូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម” (រាជធានីភ្នំពេញ ៤ មីនា ២០២៦)